អាហារ៩ប្រភេទណាខ្លះជួយដល់សុខភាពភ្នែក?

សុខភាពភ្នែករបស់យើងគឺពិតជាមានសារសំខាន់ខ្លាំងណាស់ ក្នុងការញ៉ាំងឲ្យយើងបំពេញកិច្ចការងារ ផ្សេងៗបានល្អ។ ប្រសិនបើសុខភាពភ្នែករបស់យើងចុះខ្សោយហើយ នោះយើងបំពេញកិច្ចការអ្វីៗ ក៏មិនបានល្អដែរ។ ដោយយល់ឃើញពីបញ្ហាចំបងនេះហើយ ថ្ងៃនេះ Cool FM សូមធ្វើការណែនាំ ប្រិយមិត្តនូវប្រភេទអាហារមួយចំនួនដែលអាចជំនួយដល់សុខភាពភ្នែកដូចខាងក្រោម៖

១- ការ៉ុត ៖
ការ៉ុត គឺជាប្រភេទបន្លែដែលត្រូវបានគេដឹងយ៉ាងយូរហើយថា ជាអាហារសម្រាប់បំប៉នសុខភពភ្នែក ដោយសារតែវាមានផ្ទុកនូវសារជាតិ វីតាមីន A ដ៏ច្រើន។

២- ផ្លែបឺរ៖
ផ្លែបឺរ គឺជាប្រភេទអាហារម្យ៉ាង ក្នុងចំណោមពពួកអាហារ ដែលសំបូរទៅដោយសារ ជាតិបំប៉នជាច្រើន។ ដូច្នេះ វាគ្មាន អ្វីចម្លែកនោះទេ ដែលថាពួកវាពិតជាមានភាពអស្ចារ្យចំពោះ
សុខភាពគ្រាប់ភ្នែក ។

៣- ត្រីសាម៉ុង ៖
ប្រភេទត្រីនេះ សំបូរទៅដោយ អាស៊ីតខ្លាញ់ត្រី អូមេហ្គា៣ ដែលវាមានសារៈប្រយោជន៍ យ៉ាងខ្លាំង ក្នុងការថែរក្សាការពារ សុខភាពភ្នែកបានទាំងស្រុង ។ វាក៏មានផ្ទុកផងដែរ នូវ អាស៊ីតហ្វូលីក, វីតាមីន D, វីតាមីន B6 , វីតាមីន B12 និង វីតាមីន A។

៤- ផ្កាខាត់ណាខៀវ ៖
ផ្កាខាត់ណាខៀវ គឺជាប្រភពដ៏ល្អនៃសារជាតិវីតាមីន C, កាល់ស្យូម, lutein, zeaxanthin និង sulforaphane ។

៥- ស៊ុត ៖
ស៊ុត គឺពិតជាប្រភពដ៏ប្រសើរបំផុត នៃពពួកសារជាតិបំប៉ន សម្រាប់សុខភាព មានដូចជា ៖ វីតាមីន A, zinc, lutein, lecithin, វីតាមីន B12 , វីតាមីន D និង cysteine ។

៦- ស្ពៃក្តោបច្រើនមុខ ៖
ស្ពៃក្តោបប្រភេទផ្សេងៗជាច្រើន ក៏ដូចជាស្ពីណាចផងដែរ វាគឺជាប្រភពដ៏ល្អ នៃសារជាតិវីតាមីន A, lutein និង zeaxathin ។

៧- គ្រាប់ផ្កាឈូករ័ត្ន ៖
គ្រាប់ផ្កាឈូករ័ត្ន មានផ្ទុកសារជាតិ selenium ដែលវាជាសារជាតិបំប៉ន មួយប្រភេទ ក្នុងការការពារអ្នកពីជំងឺភ្នែកឡើងបាយ និង ជម្រុញការពារសុខភាព ទាំងអស់របស់គ្រាប់ភ្នែក ។

៨- ផ្លែប៉េងប៉ោះ ៖
ប៉េងប៉ោះ គឺមានផ្ទុកនូវសារជាតិ វីតាមីន C និង lycopene ដ៏ខ្ពស់ ដែលវាជាសារជាតិ បំប៉នពីរប្រភេទ យ៉ាងសំខាន់សម្រាប់គ្រាប់ភ្នែក ។

៩- ខ្ទឹមស ៖
ខ្ទឹមស មានផ្ទុកសារជាតិ selenium និង សារជាតិបំប៉ន សម្រាប់គ្រាប់ភ្នែក ដ៏ទៃទៀត មានដូចជា វីតាមីន C និង quercetin៕

សម្រួលអត្ថបទ៖ ភិរុណ
ប្រភព៖ top10homeremedies

Album មួយបង្កប់នូវទស្សនៈពីជីវិតដ៏ជ្រាលជ្រៅ

១- ស្ត្រីដែលពឹងផ្អែកចំណុះលើបុរសនោះ នឹងមានថ្ងៃណាមួយអ្នកត្រូវដួលរងការឈឺចាប់ ។

២- ងងឹតងងុលធ្វើតាមការ “នាំផ្លូវ” របស់អ្នកដទៃ នោះនឹងបណ្តាលឲ្យអ្នកឈានដល់ទី១គ្មានទម្រ រួច…ធ្លាក់ចុះរងការឈឺចាប់ពុំត្រលប់ក្រោយបាន ។

៣- នៅពីក្រោយជោគជ័យរបស់បុរសម្នាក់ តែមាននារីម្នាក់ពលីកម្មយ៉ាងស្ងៀមស្ងាត់ និងពុំទាមទារការតបស្នង ។ រីឯក្រោយខ្នង នារីម្នាក់ដែលរឹងរូសនោះ ដាច់ខាតត្រូវមានបុរសម្នាក់ដែលទំយើរនាងហួសហេតុ ។

៤- នៅពេលដែលអ្នកមានបំណងពុំសុច្ចរិតនឹងអ្នកដទៃនោះ អ្នកដទៃក៏កំពុងធ្វើបែបនេះដាក់អ្នកផងដែរ ។

៥- ជីវិតដូចជាឆាកល្ងោន បើពុំទាន់ទម្លាក់វាំងននទេ អ្នកពុំអាចដឹងបានថា អ្នកអស្ចារ្យដល់កំរិតណាបានឡើយ ។

៦- បើរវល់ឱបដុំឥដ្ឋទាំងនេះ ខ្ញុំពុំអាចឱបអូនបានទេ តែប្រសិនបើលាដៃស្រវាឱបអូន នោះខ្ញុំនឹងពុំមានប្រាក់សម្រាប់ចិញ្ចឹមអូនឡើយ ។

៧- ថ្ងៃមុន ពុកម៉ែ បានកាត់ស្លាបរបស់កូនចោល ឥឡូវ កូនចង់ហោះហើរ…ចង់ទទួលបានជោគជ័យដូចអ្នកដទៃដែរ ។

៨- គ្រាដែលបុរសត្រូវបាត់សេរីភាព ទោះបីនារីដែលចងគេ ធ្វើល្អយ៉ាងណា ក៏គេនៅតែស្អប់និងធុញទ្រាន់ដដែល ។

៩- ពេលខ្លះ អ្វីដែលអ្នកបានឃើញក្នុងទូរទស្សន៍ វាពុំមែនជារឿងពិតទេ ។

១០- ក្នុងកែវភ្នែករបស់បុរស មានតែ១កំណាត់ខាងក្រោមនៃរាងកាយរបស់ស្ត្រីប៉ុណ្ណោះ ។

១១- ពេលគ្រោះអាសន្នកើតមាន អ្នកដែលត្រូវបានចាត់ទុកថា ស្និទ្ធស្នាលបំផុតជាមួយយើង ត្រលប់ជាពុំដឹង ។ រីឯអ្នកដែលពុំស្និទ្ធស្នាលនឹងអ្នក ត្រលប់ជាពុំអាចកេះប្រាប់អ្នកបានទៅវិញ ។

១២- វ័យពុំមានជាបញ្ហាឡើយ សំខាន់គឺត្រូវមានបេះដូងដ៏ស្រស់បំព្រងមួយ ។

១៣- តើអ្នកអាចសម្គាល់បាន ជនដែលនៅពីមុខអ្នក ជាបិសាច ឬ ក៏ទេវតា ?

១៤- ប្រាកដទេថា អ្នកអាចទ្រាំទ្របាន នូវការមន្ទិលសង្ស័យលើអ្នកដទៃនោះ ?

១៥- ពេលធំពេញវ័យ និងលើសពីនេះ យើងពុំមែនជា “យើង” ទៀតទេ ។ ម្នាក់ៗមានម៉ាស់មុខ១ផ្សេងៗគ្នា ។ គឺមានតែកុមារភាពប៉ុណ្ណោះ ដែលអ្នកគឺជាអ្នកពិត ។

១៦- ពេលខ្លះអ្នកពិតជាពុំបានដឹងថា សម្តីរបស់ខ្លួនធ្វើឲ្យអ្នកដទៃរងរបួសដល់ថ្នាក់ណាទេ ។

១៧- បងប្រគល់បេះដូងជូនអូន តែអ្នកប្រើកែវភ្នែកសម្លាប់ខ្ញុំហើយ ។

១៨- តាមពិតទៅ ទេវតាតែងនៅក្បែរអ្នក ខុសតែអ្នកដែលច្រើនស្តាប់តាមការអុជអាលរបស់ព្រាយបិសាចប៉ុណ្ណោះ ។

១៩- ប្រសិនបើពុំគាស់របើកគំនិតច្នៃប្រឌិតបានទេ នោះពិភពរបស់អ្នកគឺមាន ២ ពណ៌ប៉ុណ្ណោះ: ខ្មៅ និង ស ។

១៩- មនុស្សដែលគួរឲ្យខ្លាចបំផុត ពុំមែនជាមនុស្សអាក្រក់ពិតឡើយ តែគឺមនុស្សអាក្រក់តែងធ្វើល្អទៅវិញទេ (កាន់ស្លាកការពារធម្មជាតិ តែយកទឹកក្តៅស្រោលើដើមឈើ) ។

និយាយរួមជីវិតពុំដូចអ្វីៗដែលអ្នកស្រមៃឃើញឡើយ ។ វាមានការលាក់កំបាំង និងជ្រុងងងឹត ដែលយើងម្នាក់ៗតែងប្រឈមុខរៀងរាល់វេលា ។ រឿងដែលសំខាន់ គឺយើងមានស្មារតីភ្លឺស្វាង និងប្រាជ្ញាឆ្លាតវៃ ដើម្បីវិភាគឃើញថា អ្វីដែលត្រឹមត្រូវ អ្វីដែលខុសឆ្គង អ្នកណាជាមិត្ត អ្នកណាជាសត្រូវ ។
គប្បីចៀសឆ្ងាយពីការចាប់យករូបភាពខាងក្រៅ មកវិនិច្ឆ័យបញ្ហា ។ ព្រោះវានឹងនាំអ្នកឲ្យខុស… ៕
ប្រភពដើម៖
http://ksn-news.com/2015/02/13/7867.html

VONGCHAN

Search This Blog

Friday, February 27, 2015

អាហារ៩ប្រភេទណាខ្លះជួយដល់សុខភាពភ្នែក?

អាហារ៩ប្រភេទណាខ្លះជួយដល់សុខភាពភ្នែក?

Friday, February 13, 2015